Wednesday, 23 March 2016

ગુલાલ થઇ જાએ...

નાની નાની શી વાતોમાં મોટી બબાલ થઇ જાએ,
મંઝીલ તો છે, રસ્તાઓ વિશે સવાલ થઇ જાએ...

દુન્યવી લોકોનાં મોટા હાથ પણ કામ ના લાગ્યા,
તમે જો એક સ્પર્શ આપો તો કમાલ થઇ જાએ...

આ પ્રણયપંથ પર હું છું મુસાફિર નવો-સવો,
હો સાથ તમારો તો આગિયાઓ મશાલ થઇ જાએ...

કેવી છે જાદુગરી તારા સંગાથમાં, સાથમાત્રથી-
દુઃખો મારા સારાયે એની મેળે હલાલ થઇ જાએ...

આજ પ્રિયે એટલી દે ખુશી મને, કે જેથી,
હું ઉછાળું ધૂળ, અને હવા આખી ગુલાલ થઇ જાએ...


- ચેતન સોલંકી

No comments:

Post a Comment