Wednesday 6 August 2014

હું અને તું...

મારું        ઘર,
લાગે       ડર.

હૃદયનું પોલાણ,
વચ્ચે      પત્થર.

તારી     યાદો,
મહાકાય ડુંગર.

આંખે    આંસુ,
અગ્નિ   અંદર.

હું   અને     તું,
જન્મોનું અંતર

દરેક આંસુ 'ગુમનામ' છે પાણીમાં...

માછલી જેમ બેફામ તરે પાણીમાં,
એવો હું ગુચવાયો તારી ઓઢણીમાં.

હવે   હું   ઇચ્છું  હરદમ  એવું    જ,
તું  ભાગ પડાવે મારી કમાણીમાં.

હોળી-દિવાળી તહેવારો  ફોગટના,
ફક્ત હું અને તું જ મારી ઉજાણીમાં.

શબ્દે-શબ્દે- ભરાયો વિચાર-વાયુ,
તારા જ વખાણો છે મારી વાણીમાં.

વરસાદમાં ભીંજાતું મારું બદન પૂરું,
દરેક આંસુ ;ગુમનામ' છે પાણીમાં.